ក្នុងរបាយការណ៍បានបង្ហាញថា ចាប់ពីខែមករា ដល់ធ្នូ ឆ្នាំ២០២៥ រន្ទះបាញ់បានកើតឡើងចំនួន ៩៣លើកនៅទូទាំងប្រទេស។ គ្រោះមហន្តរាយនេះ បានឆក់យកជីវិតមនុស្សចំនួន ៤៥នាក់, បង្ករបួសស្នាម ៥៨នាក់, ងាប់គោក្របី ៧១ក្បាល និងខូចខាតផ្ទះសម្បែងពលរដ្ឋប្រមាណ ២០ខ្នង។ ចំណែកខ្យល់កន្រ្តាក់ កើតឡើង ៣០០លើក និងបានសម្លាប់មនុស្ស ១៤នាក់ និងបង្ករបួស្នាម ៤៧នាក់។ គ្រោះធម្មជាតិនេះ ក៏បានធ្វើឱ្យផ្ទះរលំ ៤៦៨ខ្នង, របើកផ្ទះ ៩ ០២០ខ្នង, ខូចខាតសាលារៀន ៥០ខ្នង, រលំតូបលក់ដូរ ២៩កន្លែង និងអគារដ្ឋបាល ២០កន្លែងផងដែរ៕