ដោយបង្រួបបង្រួមគម្លាតរវាងការប្រឌិតបែបវិទ្យាសាស្ត្រ និងការពិត ក្រុមហ៊ុនរ៉ូបូតរបស់ចិនកាលពីថ្ងៃអង្គារ បានបង្ហាញពីឧបករណ៍រ៉ូបូតដែលហៅថា “mecha” ដែលមានសមត្ថភាពផ្លាស់ប្តូររវាងការដើរដោយជើង ២ និងដូរទៅដើរដោយជើង ៤ ក៏បាន។
យោងតាមក្រុមហ៊ុន Unitree Robotics បានឱ្យដឹងថា GD01 ដែលមានរូបរាងស្រដៀងនឹង Autobot ពីខ្សែភាពយន្ត Transformers រ៉ូបូតនេះ គឺជាម៉ាស៊ីនដែលមានភាពរឹងម៉ាំ ហើយត្រូវបានរចនាឡើងសម្រាប់ការងារដឹកជញ្ជូនធម្មតាប្រចាំថ្ងៃ។ វាមានទម្ងន់ ៥០០ គីឡូក្រាម ជាមួយនឹងអ្នកបញ្ជាររ៉ូបូតនេះម្នាក់ ដែលទំងន់នេះគឺប្រហែលទម្ងន់ព្យាណូធំមួយ ហើយមានតម្លៃចាប់ផ្តើម ៣,៩ លានយន់ (៥៧៣,៦៧៤ ដុល្លារអាមេរិក)។
